VOV4.K'Ho - Ngai 24/10, Kụk tac mờ blơi phan bơh lơgar ndai, Ƀộ Kông thương pơgồp bal mờ Ủy ƀan Ñân zân càr Gia Lai bơyai lơh Pơrjum lam lơh ală broă lơh bơtàu tơnguh broă drơng ala Logistics tàm càr.

VOV4.K’Ho- Drim ngai 24/10, tàm Hìu lơh broă Quốk hội, Quôk hội cribơyai tàm mpồl nàng sền sơ wì: cồng nha lơh jat broă rơndăp lơh bơtàu tơnguh lơh sa- mpồl bơtiàn nam 2023, kờp dŭ lài broă rơndăp lơh bơtàu tơnguh lơh sa- mpồl bơtiàn nam 2024.

VOV4.K’Ho- Drim ngai 24/10, tàm Hà Nội, geh bơyai lơh Cribơyai jak chài dunia mờ tơngume “Ntrờn làng bol ơm kis dunia mờ mut gơrờm bal mpồl bơtiàn- gơ rờm bal mờ bơtàu tơnguh bal”.

VOV4.K’Ho- Drim òr (24/10), tàm Hìu lơh broă Ƀộ Quốk phòng, Thượng tướng ồng Nguyễn Tân Cương, Kwang atbồ Mpồl dong broă Ling klàng Làng bol Việt Nam, Thứ trưởng Ƀộ Quốk phòng đơng lam dơ̆ wă rò mờ cri bơyai mùl màl mờ Mpồl kwang bàng đơng lam bồ ală mpồl ling phào crong kăc màng lơgar Cuba geh Thượng tướng ồng Roberto Legrá Sotolongo, Kwang atbồ Mpồl dong broă Ling klàng, Thứ trưởng Ƀộ ală Mpồl ling kăc màng lơgar Cuba tus còp mùl màl lơgar Việt Nam bơh ngai 19 tus 28 nhai 10 nam 2023.

VOV4.K’Ho- Bulah pah nam tă bơh 40 tus 50 tơmàn đong nàng lơh niam wơl mờ sền gàr mơya gơl gùng rơndeh 27 lòt gan ù tiah càr Lâm Đồng rềp nhàr bal mờ càr Dăk Lăk sùm ơm tàm bơta gơtìp tơrlah uă ngan mờ rơlŭ rơlùn lơm. Jăt jơnau sồr bơh càr Lâm Đồng dê, Ƀộ Giao thông mờ Vận tải kung ring bal gùng dà bơcri priă lơh niam wơl gùng rơndeh 27 mờ kờp jơh priă tă lơh 1 rbô 400 tơmàn đong mơya tus tŭ do kung gam ờ hềt geh ai priă nàng lơh sơl.

VOV4.K’Ho- Drim ngai 23/10, Thủ tướng ồng Phạm Minh Chính sền jơnau yal bè bơta lơh sa- mpồl bơtiàn tàm pơrjum dơ̆ 6, Quốk hội khoă XV. Thủ tướng ồng Phạm Minh Chính pà gĭt, lơh sa dờng sền bal kơ̆ kơl jăp, roh giă priă geh gròi sền, gơguh lơh sa geh chồl tơnguh, ală tàm pơnring dờng sền bal geh gàr niam.

VOV4.K'ho - Mho ngai 23/10, tàm Hìu lơh broă Cíñ phủ, Ƀí thư Đảng Dà lơgar, Phó Thủ tướng ồng Lê Minh Khái đơng lam dơ̆ pơrjum mờ 2, 3 Ƀộ, gah broă lơh dà lơgar cribơyai ală broă lơh dong kờl jal mhar bơsong jơnau gơ lời wơl bơh trồ tiah lơh aniai, tơrlah ù tàm ală càr tiah tàm gùl lơgar, Tây Nguyên, tiah kơh bơnơm đah tô dà lơgar.

VOV4.K’Ho- Ngai 23/10, Phó Kwang atbồ Ƀan Tuyên giáo Dà lơgar ồng Phan Xuân Thuỷ lam bồ mpồl kwang bàng lơh broă mờ Tỉñ ủy càr Cà Mau bè cồng nha đơng lam, sồr lơh, lam lơh jat bàr pe bơta broă lơh tuyên giáo dê.

VOV4.K’Ho- Kờp bơh nam 2018 tus jơh nhai 8 nam 2023 geh 401 nă cau lơh broă atbồ sền gàr brê càr Kon Tum dan ơm lơh broă.

VOV4.K’Ho- Làng bol ală jơi bơtiàn dùl êt nă cau tàm càr Kon Tum sùm sùm dùl nùs dùl tồr pin dờn kờñ gơboh Đảng. Tàm rài tam lơh, làng bol lòt jăt Đảng, Cíñ phủ, dong kờl cau ling he tam lơh jai pha mờ bol sò tơm. Pơn jăt hơ̆ làng bol dùl nùs bal kong bòl glar kal ke bal mờ ală thôn ƀòn nàng tơn jơh jơgloh tơrmù rƀah. Tàm tơngai bơtàu tơnguh pa, càr Kon Tum tơnguh kơnòl broă ai ală đảng viên mờ mpồl đảng in, pơn jăt tai ơm rềp mờ ƀòn lơgar mơkung pal geh ală broă lơh ngan ngồn nàng ai tơl thôn ƀòn bơtàu tơnguh kơ̆ kơl jăp.