VOV4.K’Ho- Dờp jơnau jà bơh Củ tịc Quốk hội ồng Vương Đình Huệ, Củ tịc Thượng viện lơgar Nhờk ồng Otsuji Hidehisa gam còp ngan ngồn lơgar Việt Nam.

VOV4.K’Ho- Drim ngai 06/09, tàm Hìu pơrjum Gơlăng Lơngăp lơngai is, Củ tịc lơgar ồng Võ Văn Thưởng tus bal Broă lơh tìp măt mờ jờng rơ ală rơnàng cau ling lơh broă dong kờl is, hìu bơnhă ròng pơnrơ di dơ̆ tơngkah kir sơnrai 30 nam ală broă lơh, lơh broă dong kờl is kàl rlô bơkang bơh ơruh pơnu ƀòn dờng Hồ Chí Minh dê.

VOV4.K'Ho - Drim ngai 05/9, tàm Hìu lơh broă Đảng dà lơgar, Tổng Ƀí thư ồng Nguyễn Phú Trọng wă ồng Lưu Kiến Siêu, Kwang geh jơng Đảng dà lơgar, Kwang atbồ Mpồl tàm yal jơnau lơh broă mờ lơgar ndai Đảng Kộng sản lơgar Lo gam geh dơ̆ lòt còp mờ lơh broă tàm Việt Nam.

VOV4.K'Ho - Ngai 05/9, Thủ tướng Cíñ phủ ồng Phạm Minh Chính neh geh dơ̆ tìp mat mờ Thủ tướng Timor- Leste ồng Xanana Gusmao mờ Củ tịc Cribơyai Lơh sa dunia (WEF) ồng Klaus Schwab di dơ̆ tus bal Pơrjum kwang bàng kâp dờng ASEAN dơ̆ 43 mờ ală pơrjum geh gơ rềng tàm Jakarta, lơgar Indonesia.

VOV4.K’Ho- Pơn jăt tai broă lơh tàm càr Gia Lai, drim òr (05/09), tàm ƀòn dờng Pleiku, Củ tịc lơgar ồng Võ Văn Thưởng tus còp mờ lơh broă tàm Ƀiñ đoàn 15 – do là mpồl ling geh mờr 40 nam lơh jăt kơnòl broă bơ̆t bơtàu ală Tiah lơh sa sền gàr dà lơgar tàm ù tiah kwơ màng Tây Nguyên mờ đah jum càr Quảng Bình.

VOV4.K'Ho - Là dùl tàm ală anih tiơng pơn rơ bơh gơl gùng Trường Sơn ndu gơn rơh dê, Anih ơm tiă gan dà dờng Srêpôk gơ wèt ù tiah xã tiah nhàr dà lơgar Kông Na, kơnhoàl Buôn Đôn, càr Dăk Lăk kung gam prap wơl tềl ală nam nhai tam lơh khin cha jak chài bơh ling klàng mờ làng bol he dê. Mờ broă geh dờp là tiah tềl kah yau dà lơgar kuơmàng, anih ơm tiă gan dà dờng Srêpôk là rùp pơrya bơh bơta pràn, nùs nhơm khin cha jak chài bơh jơi bơtiàn dê tàm rài tam lơh dră wơl bol sò tơm Mỹ tơngklàs dà lơgar.

VOV4.K’Ho- Di dơ̆ tus bal Pơrjum kwang bàng kấp dờng Asean dơ̆ 43 tàm Jakarta, Thủ tướng Cíñ phủ ồng Phạm Minh Chính neh geh dơ̆ tìp mat mờ Kwang atbồ lơgar Indonesia ồng Joko Widodo.

VOV4.K’Ho- Drim ngai 5/09, jơh gùt tiah tàm lơgar, kơnòm bơsram hô hơng tus hìu bơsram tus bal dơ̆ sơnđờm mut nam bơsram pa. Rlau 22 tơlak nă kơnòm bơsram tàm gùt lơgar neh ngan ngồn mut tàm nam bơsram pa 2023-2024.

VOV4.K’Ho- Ală kra ƀòn, cau geh bơngă pin dờn (tàm hơ̆ geh uă đảng viên) tàm càr Gia Lai sùm là krơh àng, lam lài ai bơta tam gơl bồ tơngoh kơlôi sơnơng, broă lơh tàm tiah làng bol jơi bơtiàn dùl êt nă cau in. Khi geh sền là ală “tờm chi dờng” lơh mƀur rơhiơm mrềt niam lơngăp lơngai ai ƀòn lơgar in. Uă nam do, ală cau geh bơngă pin dờn, cau kra ƀòn là mpồl cau lơh kòn gùng ai ală gùng dà jơnau sồr bơh Đảng dê, gùng dà broă lơh mờ adat boh lam bơh Dà lơgar dê tus mờ làng bol.

VOV4.K’Ho- Nam bơsram pa neh sơnđờm tus. Bal mờ kơnòm bơsram tàm jơh gùt lơgar, ală kơnòm bơsram jơi bơtiàn dùl êt nă cau tàm kơnhoàl tiah sar lơgar ngài Dam Rong, càr Lâm Đồng àñ tai kong tàp lòt bơsram bal mờ bơta sền gròi wil tơl bơh hìu bơsram mờ mpồl bơtiàn dê.