Mho ngai 18/08, tàm Hà Nội, Ƀộ Kwang àng bơyai lơh Dơ̆ ai ngui Anih tờm Jơnau yal tơnggĭt dà lơgar sồ 01 mờ yal lơh broă ngan ngồn Ală Anih jơnau yal tơnggĭt bơh Anih tờm Jơnau yal tơnggĭt dà lơgar dê. Do geh sền là bơnàng jă tờm ngan ai pà ală drơng broă ala gơrềng tus jơnau yal tơnggĭt, dong kờl rơndăp nền gùng dà broă lơh, bơceh lơh bơtàu tơngguh, bơ̆t bơtàu Cíñ phủ sồ, mpồl bơtiàn sồ mờ lơh sa sồ, sền gàr niam dà lơgar, lơngăp lơngai. Tơnơ̆ tŭ mŭt lơh broă ngan ngồn tơn, anih jơnau yal tơnggĭt tơrgùm bal dà lơgar geh lơh drơng broă koh tơrmù bơnah sră nggal, lơh ƀươn sră nggal sră pơ àr gơnoar ătbồ, drơng jơnau sồr đơng lam lơh jăt bơh ală kâp dê.

Tus mờ đơs tàm dơ̆ bơyai lơh, Thủ tướng Cíñ phủ ồng Phạm Minh Chính đơs sùm: Anih tờm jơnau yal tơnggĭt dà lơgar pal là “plai nùs bơh tam gơl sồ dà lơgar dê”; pal lơh lài tàm tơrbŏ, tam pà mờ pờ jơnau yal tơnggĭt mờ lơh gơlik dùl mpồl jơnau yal tơnggĭt niam lơngăp lơngai. Thủ tướng sồr Anih tờm jơnau yal tơngĭt dà lơgar sồ 01 pal kơlôi tus jơnau kờñ bơtàu tơngguh dùl mpồl tàm tơrbŏ rơcăng lài geh cồng nha mờ ală anih tờm jơnau yal tơnggĭt ndai mờ mŭt gơrờm bal mờ mpồl jơnau yal tơnggĭt gùt plai ù, lài jơh là gơ wèt mờ kơnhoàl ù tiah Asean.