Đơs tàm anih tìp mat tơm boh bơr, Thủ tướng Cíñ phủ ồng Phạm Minh Chính sồr tơngai tus, ală Ƀộ, Gah broă lơh, ală tiah jal mhar lơh ală jơnau lơh nền “Kơryan, tơrmù ală dơ̆ ồs sa lơh gơbàn hoàc huơr kơn jơ̆ bè kòn bơnus, phan bơna mờ tơnguh cồng nha broă lơh dong kờl rềs àr”. Pơn jat tai tơnguh cồng nha atbồ dà lơgar bè rơcang lài pleh ồs sa, crùh ồs sa mờ dong kờl rềs àr jat jơnau đơs, jơnau pal jat “lài ngan là sền sơ wì broă gàr niam, tơnơ̆ là sền sơ wì sùm”, sền gròi tus broă lơh rơcang lài pleh. Đal git broă lơh rơcang lài pleh ồs sa, crùh ồs sa là kơnòl broă kuơmàng, kơnòl lơh sùm, sơlơ tơnguh tai kơnòl bơh cau lam bồ kâp ủy, gơnoar atbồ, anih lơh broă, mpồl lơh broă dê.