Hơ̆ là: Jơnau lơh nền tàm pơrjum bè broă lơh jat sền bơh Quôk hội dê; Jơnau lơh nền tàm pơrjum bè broă lơh jat sền bơh Mpồl duh broă Làng bol dê mờ Jơnau lơh nền tàm pơrjum bè jat sền sră nggal kơrnuat boh lam. Broă yal ală Jơnau lơh nền tàm pơrjum ờ mìng ala ală sră nggal neh jơh tơngai lơh jat, mờ gam bơsong bơta gơ tàm rơndap rơndồl, ờ geh bơta tàm tơrbŏ bal tàm ngan ngồn jat sền tàm tơngai lài; bơh hơ̆ tơnguh cồng nha jat sền, sơlơ tơnguh tai bơta duh rơngòt adat boh lam, gròi sền gơnăp gơnoar, mờ kung ngui niam gơnoar broă rơcang lài, geh kơnòl bơh Quôk hội mờ Mpồl duh broă Làng bol ală kâp dê.

Kung tàm ƀùi mho, Anih duh broă Lơh kơnòl broă sùm Quôk hội ring bal Jơnau lơh nền tàm pơrjum bè tơl khà mpồl lơh broă sră pơ àr gơnoar atbồ mờ Jơnau lơh nền tàm pơrjum sac rơ wah tiah drà; Broă lơh bơh Anih duh broă Lơh kơnòl broă sùm Quôk hội dê nam 2026; Tơn jơh Dơ̆ pơrjum dơ̆ 10, Quôk hội khoă XV mờ ai jơnau đơs bơh chờm bè broă rơcang Dơ̆ pơrjum dơ̆ 1, Quôk hội khoă XVI.