Tàm dar pơrjum, Phó Củ tịc Quôk hội mò Nguyễn Thị Thanh đơs sùm, jơnau kờñ tờm ngan tŭ do là bơt bơtàu Dà lơgar Việt Nam dờng pràn, bơtàu tơnguh mhar mờ kơnhăp jŏ, tàm hơ̆ bơtàu tơnguh kơnhăp jŏ pơgồp bal mờ ală bơta mpồl bơtiàn mờ kòn bơnus. Nùs nhơm lơh jat sùm là ai làng bol lơh tờm, kòn bơnus là anih tờm, là jơnau kờñ mờ bơta gơn kơnờm bơh tơl broă lơh dê. Anih duh broă Niam chài, Mpồl bơtiàn at gơnoar broă tờm tŭ drơng gah geh gơrềng tơn tus rài kis cau dê bơh tŭ pa deh tus di tŭ chơ̆t.

Nàng lơh sir kơnòl broă, Anih duh broă tam klăc bal, tàm pơrdờn mờng chài rơ̆ ru, jơnau kờñ dŭt ndơl là ai bơt bơtàu dùl Quôk hội làng bol lơh tờm, lơh broă ờs mờng, gơnoar adat boh lam, pa ngan mờ ngan ngồn tài làng bol, ờ gŏ di lời roh tĕ khat dùl broă lơh lơi bè bơtàu tơnguh kòn bơnus.