Ring bal jơnau đơs bè ală bơta bơtàu tơnguh niam ngan, tơl làm bơh bơta git gơp đah Việt Nam mờ Lo tàm tơngai lài, bàr Ƀộ trưởng Ƀộ Cribơyai broă mờ lơgar ndai ring bal đơs là, anih lơh broă cribơyai broă mờ lơgar ndai 2 lơgar kờñ pal lơh jat jơnau git wă bal kâp dờng, pơn jat tai pơgồp bal jơh nùs, lam lơh niam broă lơh niam bơta git gơp lơh broă bal jŏ jòng tơl làm. 

Sồr bơt bơtàu mpồl bơtiàn tam pà bal tơnơ̆ do đah Việt Nam mờ Lo geh gơtha kuơ màng ngan jat gùng dà “6 rlau”, rơcang wil tơl ală broă lơh tìp mat kâp dờng mờ ală kâp in; lòt bal mờ ală ƀộ, gah broă lơh dà lơgar, càr, ƀòn dờng lơh gơlik ală bơta tam gơl pràn pa tàm lơh broă bal ngan ngồn, lam bơta git gơp 2 Đảng, 2 lơgar bơtàu tơnguh tus gơnoar broă pa. Bàr gah cribơyai song dơpă bè broă tàm dà lềng mờ ală broă ală lơgar, kơnhoàl ù tiah mờ 2 gah sền gròi bal.