Jăt jơnau yal, lơh sa mờ măi mok, broă kă bro phan, broă lơh drơng ala càr Dăk Lăk dê tàm 2 nhai bồ nam do geh sùm tàm khà gơguh. Priă geh bơh broă tăc phan mờ lơgar bơdìh kờp dŭ geh 218 tơlăk Dolar Mỹ, gơguh 5%. Lòt nhơl brồ guh pràn mờ di pơgăp 1 tơlăk 200 dơ̆ cau năc tus, gơguh bàr dơ̆ pơn drờm mờ tŭ do nam lài.

Tă tàm kes priă dà lơgar tàm 2 nhai geh mờr 3 rơbô 800 tơmàn đong. Broă lơh bơh mpồl lơh sa kă bro kung dờp geh bơta tơngŏ niam mờ 236 mpồl lơh sa kă bro geh crơng gơs pa, kờp jơh priă dan cih măt mờr 2 rơbô 860 tơmàn đong. Jăt kwang đơng lam càr Dăk Lăk đơs, uă gah broă gam geh sùm khà gơguh bàr sồ bơh tàm bồ nam, ai geh bơta pràn nàng lơh gơs jơnau kờñ gơguh lơh sa bal dê.