Tềng đap jơnau sồr jal mhar tàm broă tă “sră rơmit” bơh Anih duh broă câu Âu dê, càr Dăk Lăk gam lơh lơh dơ̆ lĕ bal ală broă lơh kơryan ờ ai tras, kup phan tàm dà lềng tìs adat boh lam, ờ gŏ yal mờ ờ lơh jat jơnau sồr (IUU), mờ tơngume tờm là gròi sền mpồl ơhò mờ yal loh làng anih lơh geh phan tàm dà. Jơh gùt càr tŭ do geh 2 rbô 576 nơm ơhò lơh ka cih mat, jơh ală neh geh lơh sră ai gơnoar tras, kup; jơh ală ơhò jơnhua bơh 15 thơk rlau hơđang, neh crăp măo mok jat sền gùng lòt mờ geh gròi sền.

Bơh nam 2024 tus tŭ do, mpồl lơh broă geh gơnoar neh lơh glài 119 nă cau lơh tìs, uă ngan gơ rềng tus roh bơta tàm tơrbŏ măi mok jat sền mờ tras, kup tìs tiah geh ai. Broă lơh jòi git anih lơh geh geh sơlơ lam lơh uă mờ cih jơnau yal pah ngai tàm điện từh, gàr niam groì sền nền nòn khà phan lơh geh bơh anih ơhò ơm. Tơngai tus, càr Dăk Lăk pơn jat tai lơh kràñ broă jat sền, lơh glài kràñ broă lơh tìs mờ lơh pràn mblàng yal nàng kờñ tơnguh jơnau git wă cau lơh ka dê, wèt tus tă “sră rơmit” kơnhăp jŏ.