Càr Dăk Lăk mhar lơh gơs rbàng ƀă gan dà dờng Krông Bông
Thứ hai, 13:00, 28/09/2026
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho- Mpồl atbồ Rơndap broă lơh Bơcri priă lơh broă lơh broă lơh sa suơn sre mờ Bơtàu tơnguh ƀòn lơgar càr Dăk Lăk gam sồr ală cau tờm lơh rơndap broă mhar lơh gùng lam mut tàm rbàng ƀă gan dà dờng Krông Bông nàng ngui tàm nam do.
Rơndap broă lơh geh kờp jơh priă bơcri lơh rlau 36 tơmàn đong, geh lam lơh bơh nam 2021, tơrbŏ Gùng dà lơgar 26 mờ Gùng càr 12 mờ sơrlèt gan gùng rơndeh lòt mhar Khánh Hòa - Buôn Ma Thuột. Bơnah rbàng tờm neh lơh gơs bơh lồi nam 2023, mơya gùng lam 2 đah rbàng neh lơyài mờr 3 nam tài gơ kòl ù lơh rơndap broă mờ ờ tơl ù nàng bơt.
Tus tŭ do, ală kal ke neh geh tă bơsong. Cau tờm bơcri priă sồr cau tờm lơh rơndap broă ai cau lơh broă, măi mok, phan ngui bơt bơtàu, tŭ trồ tiah ƀuơn den rơp lơh mhar tơngai hơ pơrgon. Tŭ lơh gơs, broă lơh rơp tàm tơrbŏ gơl gùng jòng mờr 30 kơi sồ, drơng lòt rê bơh git nđờ jơt rbô nă làng bol mờ pơgồp bơnah chồl tơnguh bơtàu tơnguh lơh sa - mpồl bơtiàn tiah đah jum mat tơngai lik càr Dăk Lăk.
Viết bình luận