Tàm ală pơrjum, ală cau tơlik mat tĕ khà neh yal tơngume lơh broă mờ nùs nhơm geh kơnòl uă, tơrgùm tàm ală broă mờ cau tĕ khà sền gròi bè bơtàu tơnguh lơh sa suơn sre kơnhăp jŏ gơ jat bal mờ lơh sa tơlir; atbồ, ngui geh cồng nha ù tiah; bơcri priă lơh phan bơna gùng lòt, ồs đèng, dà tàm ƀòn lơgar; tơnguh cồng nha bơto bơsram, sền gàr pràn kơldang să jan làng bol in; lơh pràn tam gơl wơl sră pơ àr gơnoar atbồ, tam gơl sồ. 

Uă cau tơlik mat tĕ khà đơs nền rơp gàr bơta gơ rềng nền nòn ngan mờ cau tĕ khà, sùm iat mờ yal song dơpă bơta kơp kờñ bơh làng bol dê. Ală pơrjum geh lơh làng bol lơh tờm, song dơpă, gơ hòi gơ jà gal ngan cau tĕ khà tus bal. Uă cau tĕ khà đơs niam bơta rơcang jơh nùs, bơnĕ bơnài bơh ală cau tơlik mat tĕ khà dê.