Do là ală broă lơh gơn kơnờm geh kờp jơh priă bơcri lơh git nđờ jơt rbô tơmàn đong, hơ pơrgon lơh gơlik bơta tam gơl pràn bè lơh sa mờ măi mok mờ logistics ai Tây Nguyên mờ tiah đah jum tàm gùl lơgar in. Tàm hơ̆, Rơndap broă lơh Bơcri priă lơh mờ kă bro rơndap tap sèng phan bơna Tiah lơh sa mờ măi mok Hoà Tâm tơngai dơ̆ 1 geh bơta pràn ngui ù mờr 492 lồ, kờp jơh priă bơcri lơh mờr 4 rbô 200 tơmàn đong. 

Rơndap broă lơh tac phan bơna ndrờm bal ai broă crơng gơs tiah tơrgùm bal lòs Hòa Phát geh bơta pràn lơh gơlik 6 tơlak tấn pah nam, kờp jơh priă bơcri lơh mờr 84 rbô tơmàn đong. Rơndap broă lơh bơcri priă lơh anih ơhò ơm Bãi Gốc geh kờp jơh priă bơcri lơh mờr 16 rbô 300 tơmàn đong. Bàr rơndap broă lơh do bơh Tập đoàn Hoà Phát bơcri priă. Bal mờ hơ̆, càr Dăk Lăk kung sơn đờm lơh Rơndap broă lơh Tiah lơh sa mờ măi mok pa tàm sơnah ƀòn Hòa Hiệp bơh Tập đoàn N&G bơcri priă mờ bă ù lơh rlau 250 lồ, kờp jơh priă bơcri priă lơh mờr 2 rbô 400 tơmàn đong. Tŭ ală rơndap broă lơh do lơh broă den rơp lơh gơlik bơta gơ rề bơtàu tơnguh ală gah kă bro phan, broă drơng ala bơh càr Dăk Lăk dê, ai geh broă lơh git nđờ jơt rbô nă cau lơh broă tàm ƀòn lơgar in.