Ràng tơlik yal tơngĭt mờr 200 sră nggal, rùp hin bè nùs nhơm ờ bài kong, ờ bài pờ tê bơh ală cau ling kăc màng neh gơtìp kŭp jàm tàm ală hìu jàm Hỏa Lò, Sơn La, Côn Đảo, Phú Quốc, Hìu jàm Buôn Ma Thuột mờ hìu jàm Dăk Mil dê.

Bơh 3 tơngu me “Căp mờ che srañ che lòs”, “Tồ nđar par tàm trồ mang” mờ “Gùng lòt tàm pơr dờn tai”, tơngume ù tiah ràng tơlik lơh tơngŏ wơl ală dơ̆ dô lik bơh hìu jàm khin cha bal mờ nùs nhơm tam lơh kơ̆ dơn bơh ală cau ling dê. Do là broă lơh jờng rơ, ưn ngài ală rơnàng lòt lài, bơto bơtê bơhiàn ờs mờng kờñ gơboh dà lơgar ai rơnàng kơnòm să in, mơkung cèng gơtha is ồn tŭ Hìu jàm Buôn Ma Thuột geh tàm tơrbŏ bal tơn tàm gùng lòt tàm lơh bal bơh gùt lơgar dê.