Đơs sồr lơh, ồng Tô Lâm, Tổng Ƀí thư, Chủ tịch lơgar đơs sùm, Pơrjum Đảng Dà lơgar dơ̆ 3 neh ring bal uă tơngume, lơh nền uă gùng dà, broă lơh dờng bè bơt bơtàu Đảng, anih lơh broă chính trị, bơtàu tơnguh mờ sền gàr dà lơgar. Do là broă lơh jat mùl màl kuơmàng ngan Jơnau lơh nền tàm Pơrjum dờng dơ̆ XIV Đảng dê, pơgồp bal kơnòl broă nam 2026 mờ jơnau kờñ jơh gùt tơngai lơh broă, tus nam 2030, nam 2045. Ồng Tô Lâm, Tổng Ƀí thư, Chủ tịch lơgar sồr ală kâp ủy Đảng mhar lơh Jơnau lơh nền tàm pơrjum gơs broă lơh lơh broă di mờ bơta geh ngan, geh bơta tờm, geh broă tòm, loh broă lơh lài mờ dipal mờ bơta krơi is bơh tơl ƀộ, gah broă lơh dà lơgar, ƀòn lơgar.

Bè gơnoar atbồ ƀòn lơgar 2 kâp, Dà lơgar ờ sồr broă rơndap tap sèng nhàr ù tiah kâp sàh nàng gàr kờñ sùm mpồl lơh broă sră pơ àr gơnoar atbồ lơh broă kơ̆ kơljap sùm; broă tam gơl mìng nàng sồr lơh tŭ ngan ngồn pal geh, pal jak chài, kơrhia, wèt tus drơng làng bol in niam rlau mờ kràñ cê sang tĕ bồ tơngoh “ƀuơn kwang bàng, bòl làng bol”. Ồng Tô Lâm, Tổng Ƀí thư, Chủ tịch lơgar đơs sùm, tàm 6 nhai lồi nam 2026, jơh gùt anih lơh broă pal gàr mpồl lơh broă sră pơ àr gơnoar atbồ lơh broă gơ lòt sùm, tơrgùm bơsong jơh ală bơta gơ kòl jal mhar, lơh ngan lơh geh ală jơnau kờñ bơtàu tơnguh lơh sa mpồl bơtiàn neh ai tơlik.

Kung tàm drim òr (29/07), Mpồl Duh broă Đảng Dà lơgar ai lơh jat Jơnau sồr pal jăt sồ 207-QĐ/TW bè ală bơta đảng viên ờ gŏ di lơh (ala Jơnau sồr pal jat sồ 37-QĐ/TW). Yal tàm pơrjum gùt lơgar bơsram lơh jat Jơnau lơh nền tàm pơrjum Dà lơgar 3 khoă XIV, ồng Trần Sỹ Thanh, Cau Kong kơnòl Anih duh broă Sền sơ wì Dà lơgar đơs sùm uă bơta pa kwơ màng lơh geh jơnau sồr ală bơta geh ngan. Pal sền gròi ngan là, Jơnau sồr bơtơl tai broă lơh kơryan ờ ai đảng viên “Sơmờm broă rơndăp tăp sèng mpồl lơh broă nàng tơmŭt cau ờ tơl bơta pràn jak, bơngă pin dờn tàm gơnoar broă geh gơnoar tam pà bơta pràn”. Do là dùl tơngume di tŭ nàng kờñ kơryan bơta pơhìn “rơndăp” cau geh bơta rềp mềr, ờ tơl bơta pràn jak tàm ală gơnoar broă tờm tàm tŭ tơrmù di pal mpồl kwang bàng lơh broă mờ rơndăp tăp sèng wơl mpồl lơh broă sră pơ àr. Bơdìh hơ̆, jơnau sồr kung bơtơl ală broă lơh kơryan ờ ai bè: ngui internet, AI yal tơngĭt jơnau yal ờ ngan; ờ dờp, pleh kơnòl broă; sơnơm broă lơh tam gơl pa bơceh lơh nàng sa kơñau mờ yal ờ ngan bơh lơi geh phan bơna jơ tài.