Poan rơndap lơh adat boh lam geh tă pơgồp jơnau đơs geh: Adat git jơnau yal (tam gơl), Adat dong kờl adat boh lam (tam gơl, bơ tơl), Adat Hộ tịc (tam gơl) mờ Adat Kông cứng (tam gơl, bơtơl). Ală cau ala mat ring bal bơta pal geh kờñ pal tam gơl, nàng kờñ lơh sir adat boh lam, lơh jat jơnau sồr tam gơl sồ, tam gơl wơl sră pơ àr gơnoar atbồ mờ bơt bơtàu gơnoar atbồ ƀòn lơgar 2 kâp.

Tă pơgồp jơnau đơs tàm Adat git jơnau yal, uă jơnau đơs sồr lơh loh broă tam gơl, kơnòl yal jơnau tơngit, jơnau cih mùl màl ală cau ờ bài nàng pleh sơmờm “jơnau tơnggit ndơp ndơr dà lơgar”, mờ kung sồr yal jơnau tơnggit tàm măi mok sồ, sơlơ tam pà yal tơnggit jơnau. Gơ wèt mờ Adat dong kờl adat boh lam, cau ala mat sồr rề ơnàng cau geh dờp kuơ, tơnguh bơta niam broă drơng ala, bơ tơl mpồl cau ờ sô, ờ pràn. Ală jơnau đơs rơp geh tơrgùm wơl nàng lơh sir jơnau rơcang cih adat boh lam.