Tàm nhai 3 bồ nam 2026, giă uă phan ngui bơt bơtàu gơguh jơnhua bè lòs gơguh bơh 11 tus 14%, sơmang mờr 14%, cài dă gùng rlau 30%, káp đèng gơguh bơh 30 tus 40%, lơh uă cau tờm lơh rơndap broă pal ơm ing lơh broă. Bơdìh hơ̆ tai, mpồl tac phan bơt bơtàu di mờ adat boh lam, ngan là bràs bơt bơtàu gam ờ uă. Tềng đap bơta do, càr sồr ală mpồl yal giă phan bơt bơtàu di mờ bơta geh ngan; sền sơ wì, tam gơl sră pơrgon giă ờ tam gơl; mờ kung tơnguh bơta pràn tơnhàu, hòi jà lơh bràs bơh kòn bơnus lơh gơlik mờ lơh glài kràñ ală ƀlàng tơnhàu bràs lơyài lơh jat. Gia Lai kung rơp pờ gùng che điện thoại lơh broă sùm nàng gròi sền bơta prap phan tơnguh giă, blac pơrlồm sră blơi phan, gàr tơl mpồl tac phan mờ tơngai hơ pơrgon lam lơh ală broă lơh kuơmàng.