Lài do, càr ai 16 mpồl lơh sa kă bro lơh 44 rơndăp broă lơh mờ kờp jơh bă ù ơnàng rơlao 25 rơbô 500 lồ. Mơya, tus tŭ do mìng geh di pơgăp 7 rơbô 900 lồ, pơgăp 1 bơnah 3 bơtàu tơnguh bè ờs, bơnah uă bă ù gam tai tờm kao su chơ̆t ha là ờ hòn niam.

Uă mpồl lơh sa kă bro dan tam gơl bă ù ờ geh cồng nha nàng tam phan, ròng phan mơya gơtìp gơkòl bè sră nggal mờ kơnòl tam brê ơla. Củ tịc Anih duh broă Làng bol càr Gia Lai jào Sờh Broă lơh sa suơn sre mờ Tiah ơm kis pơgồp bal mờ ală gah lơh broă gơrềng bal sền đal loh bơta ù, cồng nha lơh geh, tài bơta lơi ờ geh cồng nha mờ ai geh gùng dà broă lơh tam gơl di pal mờ broă rơndăp ù tiah, cồng nha lơh sa dê. Mờ pal dan geh toh wơl ù tơm càr in, pơgồp bal tàm broă bơsong broă ờ tơl ù lơh sa ai làng bol jơi bơtiàn ờ gal cau in.