Do là gơl gùng jòng ngan rlau jơh, geh ù tiah mờ bơta chài măi mok lam lơh kal ke ngan rlau jơh, geh kuơ tàm tơrbŏ bal 2 gah gùng. Rơndap broă lơh dềt sồ 2 gùng rơndeh lòt mhar Quy Nhơn - Pleiku jòng 68 kơi sồ, bơh sơnah ƀòn An Nhơn tus sàh Đăk Đoa. Broă lơh geh bơcri priă lơh 4 bơnàng gùng, kờp jơh priă bơcri lơh rlau 27 rbô 500 tơmàn đong.

Ồng Nguyễn Tự Công Hoàng, Phó Chủ tịch Anih duh broă Làng bol càr Gia Lai pà git, ù tiah kal ke, bal mờ trồ tiah mìu dờng sùm tàm Tây Nguyên ai tơlik jơnau sồr uă ngan gơ wèt mờ broă lam lơh, bơta niam mờ bơta kơnhăp kơ̆ broă lơh dê. Phó Chủ tịch Anih duh broă Làng bol càr Gia Lai sồr cau tờm bơcri priă, ală cau tờm lơh rơndap broă rơcang lài cau lơh broă, măi mok, phan ngui bơt bơtàu; rơndap lơh jak chài, mờ kung pơgồp bal nền nòn mờ ală ƀòn lơgar nàng lơh mhar broă ai ù lơh rơndap broă, di tŭ tă bơsong kal ke, gàr di tŭ tơngai hơ pơrgon.