Tus tŭ do, jơh ală 65 sàh, sơnah ƀòn, tiah is ồn (tàm hơ̆ geh tiah is ồn Trường Sa) gơwèt càr Khánh Hoà neh lơh gơs broă lơh, lir khà măt cau tĕ khà mờ rài kis lơh broă tơrgùm bal cau tơlik măt tĕ khà di mờ jơnau geh ai, mờ pơn jăt tai sền wơl jơnau yal tơngit ƀòn lơgar nàng gàr niam gơnoar tĕ khà.

Càr lơh gơs 4 Mpồl tĕ khà cau ala măt Quốk hội, 19 Mpồl tĕ khà Mpồl duh broă Làng bol càr, 387 Mpồl tĕ khà Mpồl duh broă Làng bol kấp sàh; kĭ 1 rơbô 123 tiah đùh sră ndrờm bal 1 rơbô 123 mpồl tĕ khà. Càr Khánh Hoà geh 20 nă cau tơlik măt tĕ khà cau ala măt Quốk hội tàm 4 mpồl tĕ khà nàng pồ geh 12 nă cau; 108 nă cau tơlik măt tĕ khà Mpồl duh broă Làng bol càr nàng pồ 67 nă cau; Mpồl duh broă Làng bol kấp sàh kờp dŭ pồ geh 1 rơbô 392 nă cau.