Bơnah ai gơnoar lòt rê là gơl kuèl gơ wèt ù tiah sơnah ƀòn Xuân Trường – Dà Làc, tiah gơlik geh tơrlah dờng ngan tàm mang ngai 28/10. Broă do neh lơh git nđờ jơt rbô khối ù lŭ bơh ta luy hơđang gơ dùh tàm gùng, mờ kung geh gơl gùng nchùn ù ơnàng tus mờr 3 rbô 500 thơk vuông lơh gơbàn ngòt rơngơt tus cau mờ rơndeh rơndồ, sồr Lâm Đồng pal yal bơta jal mhar bè trồ tiah lơh aniai nàng lơh niam wơl.

Gơ wèt mờ rơndeh kong goa hơđang 5 tấn mờ rơndeh nac bơh 16 cơ gĕ rlau hơđang, ală rơndeh rơndồ pal rơcang lài rơ wah gùng lòt ala, bơh sơnah ƀòn Xuân Trường – Dà Làc mù kuèl Mimosa halà Prenn tus hờ gùng dà lơgar 20. Gah lơh broă geh gơnoar kung tơngkah làng bol ờ huan lòt rê tàm trồ mang, ngan là tàm tŭ trồ mìu sơr halà mhual uă, lơh jat jơnau pơlam tàm gơl gùng do tàm tơngai ală mpồl lơh broă pơn jat tai bơsong bơta tơrlah.