Càr Lâm Đồng tơnơ̆ mờ tŭ tơrgùm dùl neh gơs tiah pràn bơtàu tơnguh tơrgùm bal bơh tiah bơnơm – tiah tàm gùl – tiah ring jăt gah dà lềng, mờ bă ù ơnàng rơlao 24 rơbô kơi sồ vuông, tơrgùm tơl bơta geh bè ù tiah, phan geh is siñ họk, năng lượng lơh geh wơl, lơh sa brê, lơh sa dà lềng mờ lơh sa suơn sre măi mok pa.

Tàm hơ̆, tiah Bơnơm Di Linh geh ù tiah tờm kwơ màng, geh bal bơh koèl kơh Bảo Lộc tus jơng koèl kơh Prenn, lơh gơnoar tơrbŏ bal ală tiah pràn càr dê. Tàm Pơrjum cri bơyai, ală cau ala măt neh yal uă jơnau đơs, cri bơyai bal nền nòn bè gùng dà broă lơh bal mờ broă lơh kwơ màng ai broă bơtàu tơnguh tiah Bơnơm Di Linh, càr Lâm Đồng in; lơh loh ală jơnau neh gŏ bơta chài mờ mùl màl; ai geh broă tơrlòng lơh bơtàu tơnguh gơdờp bal; mờ dan geh ală gùng dà broă lơh tơl pràn, tơl ndrờm bal nàng bơsong ală tiah gơkòl, ai geh bơta pràn bơtàu tơnguh pa ai ù tiah do in.