Tàm dơ̆ lam lơh, Củ tịc Anih duh broă Làng bol càr Lâm Đồng ồng Hồ Văn Mười hòi jà jơh ală kwang bàng, cau lơh broă sa priă nhai dà lơgar, cau lơh broă mờ jơh gùt làng bol jòi git, lơh broă dồ bă ndrờm bal; crăp rơcang, jơh nùs gơ wèt mờ srơh Làng bol bơsram sồ; ală sờh, mpồl, gah broă lơh, ală tiah sền gròi blơi phan bơna, măi mok, gàr tơl priă jền, kờp sền wơl broă bơto bơsram, pờ ală ơdŭ bơto bơta chài ngui măi mok di mờ tơl mpồl cau, ờ tam cah sơnam mờ lơh broă lơi. Tơnơ̆ dơ̆ lam lơh srơh Làng bol bơsram sồ, git nđờ rbô nă kwang bàng, cau lơh broă sa priă nhai dà lơgar, cau lơh broă bơh càr Lâm Đồng dê geh yal tơnggit, pơlam ngui măi mok, broă lơh ngui bal drơng broă lơh gơnoar atbồ 2 kâp, ngui cau dong broă ờ ngan, chatGPT, broă lơh lòt nhơl ngac ngar 4.0, lam lơh ngui anih yal jơnau tơnggit ù tiah.