Nàng broă lam lơh jăt Ală Jơnau cih jơnau pah ngai tras kŭp phan tàm dà mờ Cih pah ngai jơnau blơi, jun pơn diang phan tàm dà điện tử geh cồng nha mùl màl di jăt jơnau sồr bơh Thủ tướng Cíñ phủ, Củ tịc Anih duh broă Làng bol càr Lâm Đồng ồng Hồ Văn Mười jào Sờh Broă lơh sa suơn sre mờ Tiah ơm kis đơng lam, pơgồp bal mờ sờh, gah lơh broă bal mờ ală sàh sơnah ƀòn gơrềng bal lơh ndrờm bal uă tơngu me.

Củ tịc Anih duh broă Làng bol càr Lâm Đồng kung jào Sờh Broă lơh sa suơn sre mờ Tiah ơm kis dan nàng tơlik Kơrnoăt atbồ, lơh broă mờ ngui phần mềm ală jơnau cih pah ngai tras kŭp phan tàm dà mờ jơnau cih pah ngai jơnau blơi, jun pơn diang phan tàm dà điện tử tàm càr, lơh gơs lài mờ ngai 31 nhai 3 nam 2026. Bal mờ jơnau sồr lơh jăt cih jơnau pah ngai tras kŭp phan tàm dà điện tử, càr Lâm Đồng gam lơh pràn, ndrờm bal uă broă lơh nàng bal mờ ală càr ƀòn dờng geh dà lềng tàm gùt lơgar sơrbì jơnau yal lài “sră rơmĭt” IUU, wèt tus bơtàu tơnguh gah phan tàm dà kơl jăp mờ geh kơnòl mờ gơdờp bal mờ jơnau geh ai bơh ală lơgar dê