Càr Lâm Đồng lơh kơl jăp wơl gùng lòt nàng rơcang pleh mờ rềs àr tàm kàl mìu dà tih dà cò
Thứ năm, 10:15, 30/07/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Càr Lâm Đồng gam tơrgùm lơh ală gùng dà broă lơh nàng tơnguh uă cồng nha atbồ, lơh kơl jăp wơl phan bơna gùng lòt nàng rơcang pleh mờ rềs àr bơh trồ tiah, mìu dà tih dà cò.
Gùt càr Lâm Đồng geh 62 broă lơh gùng lòt gam geh bơcri priă lơh kơl jăp wơl nàng gàr niam lơngăp lơngai gùng lòt. Tàm khà do geh 16 broă lơh gơtìp tơrlah tài mìu dà cò nam lài.
Tus lồi nhai 7, khà bơcri priă gơwèt mờ ală broă lơh bơsong bơta tơrlah, lơh kơl jăp wơl gùng lòt ù gờl càr Lâm Đồng dê geh mờr 380 tơmàn đong, ndrờm mờ 62% priă gùt nam dê. Mờ ală broă lơh gơtìp tơrlah tài bơh mìu dà cò lơh aniai, càr gam bơsong jal mhar 9 broă lơh mờ tàm khà do geh 6 broă lơh neh lơh gơs.
Viết bình luận