Đơs pơndŭt dơ̆ lơh broă, Tổng Bí thư, Chủ tịch lơgar sồr, pal mhar lơh sir Ală jơnau neh lơh nền rơndăp tăp sèng wơl Tập đoàn tơngai bơh nam 2026 - 2030 jat gùng dà ngan ngồn, di broă di anih; Ală jơnau neh lơh nền pal jat nền Jơnau lơh nền tàm pơrjum sồ 19, Jơnau lơh nền tàm pơrjum sồ 57, ală rơndăp ù tiah bè năng lượng, phan kwơ tàm ù mờ jơnau sồr tam gơl tơlir; lơh loh jơnau kờñ, gùng dà tŭ tơngai, kơnòl, cồng nha was geh bơh cồng nha lơh broă, geh cồng nha priă bơcri mờ bơta pràn jak lơh broă măi mok; mpồl lơh broă tơrmù di pal mờ bơta pràn tàm pơrlòng uă.

Tổng Bí thư, Chủ tịch lơgar sồr, Tập đoàn pal lơh geh bơta tam gơl pràn bè jak chài măi mok, tam gơl sồ mờ bơta pràn lơh broă; mơkung rơndăp tăp sèng wơl ală gah bơcri priă mờ priă jền, lơh pràn pờ ơnàng lơh broă bal bơtàu tơnguh, tơnguh uă bơta pràn jak atbồ, tơl rơndăp broă lơh pal geh ơn tàm bơta tơrgùm bal mờ geh rơwah nền nòn, ờ ntoăt jat broă lơh dờng, ờ gŏ di bơcri priă rah rài ờ tơrgùm. Ơn bơta niam lơngăp lơngai mờ rài kis cau lơh broă dê tàm anih tờm pơgồp bal mờ jòi phan kwơ tàm ù, lơh niam wơl tiah ơm kis, bơtàu tơnguh kơnhăp jŏ ƀòn lơgar dê. Bal mờ hơ̆, pal sền gròi bè hìu, lơh sơnơm mờ broă lơh dong kờl bè ală bơta lơh broă, lơh pràn lơh mờ măi mok, măy mŏk lơh is lơm nàng tơrmù cau lơh broă tàm tiah lơh broă kơn jơ̆, sơbơng roh.