Kờp tus ngai 28 nhai 7, càr Lâm Đồng neh bơsong 116 tàm 365 rơndap broă lơh gam gơ kòl, lơh gơlik bơta gơn kơnờm chồl tơnguh bơtàu tơnguh lơh sa - mpồl bơtiàn. Tàm hơ̆, 31 rơndap broă lơh neh lơh gơs mờ ai ngui; 24 rơndap broă lơh neh ai wơl, tơn jơh lơh broă ha là tơlik bơh rơndap broă lơh geh jat sền; 61 rơndap broă lơh geh lơh wơl ha là gam lơh sir ală sră pơ àr adat boh lam nàng pơn jat tai lam lơh.

Ală rơndap broă lơh neh bơsong geh bă ù rơlao 8 rơbô 700 lồ, mờ kờp jơh priă bơcri lơh mờr 25 rbô 800 tơmàn đong. Gơwèt mờ 249 rơndap broă lơh gam gơkòl, Lâm Đồng rơwah gơs uă mpồl nàng tơrgùm bơsong, geh ală rơndap broă lơh gơwèt gơnăp gơnoar Dà lơgar, gơnăp gơnoar ƀòn lơgar; rơndap broă lơh tàm rơndap rơndồl rơndăp ù tiah phan kuơ tàm ù; rơndăp broă lơh kong gơrềng bơh ală jơnau lơh nền tàm pơrjum, jơnau lơh nền pa Chính phủ dê; ală rơndap broă lơh gơkòl bè priă bơcri, ù tiah, bơ̆t bơtàu… Mờ ală rơndap broă lơh gơwèt gơnăp gơnoar ƀòn lơgar, ală sờh, gah broă lơh mhar sền wơl, kơlôi sơnơng mùl màl tơl rơndap broă lơh nàng geh broă lơh tă bơsong di pal.