Đơs tàm Pơrjum bơyai, ồng Trần Thanh Mẫn, Chủ tịc Quốc hội pà git, tàm tơngai lơh broă lài, Quốc hội neh lơh ngan lơh gơs mpồl adăt boh lam, tus tŭ do neh lơh 122 adăt boh lam, jơnau lơh nền tàm pơrjum. Ală cồng nha neh lơh geh tàm tơngai do là tơngu me tờm kwơ màng, mơya jơnau kờñ bơtàu tơnguh pa bơh dà lơgar dê gam ai geh ală jơnau pal uă rơlao gơwèt mờ broă jăt sền.

Quốc hội khoă 16 pal lơh geh dùl gùng dà broă jăt sền pa: geh kơlôi sơnơng kwơ màng, rơcang lài yal, ai bơh tàm jơnau yal tơngit mờ cơng tàng, tơrgùm di bơta tờm, lòt tus dŭt ndơl kơnòl broă mờ cồng nha. Jăt sền ờ mìng là nàng sền wơl broă neh lơh geh, mờ pal pơgồp bal lơh geh broă pal lơh; ờ mìng gŏ bơta ờ pràn, mờ pal bơsong ală bơta gơkòl, yal lài rềs àr, lơh pràn broă lơh mờ bơceh lơh bơtàu tơnguh. Bơta kwơ dŭt ndơl bơh broă jăt sền là ai geh ală tam gơl mùl màl tàm broă lơh gơs kơrnoăt boh lam, bơyai lơh jăt adăt boh lam, tơnguh uă cồng nha atbồ broă Dà lơgar; mờ uă ngan là drơng broă Làng bol, tài broă bơtàu tơnguh mhar, kơl jăp dà lơgar dê.