Ală tiah di gơlan gơtìp rềs àr, tàm hơ̆ geh: tiah jăt gah dà dờng Dà Nhim, tiah đah đang jăt gah gùng sồ 1; Koèl kơh Đại Ninh tàm gùng 28B, koèl kơh Đa Mi tàm gùng 55; tiah jăt gah dà dờng Phan, gùng rơndeh lòt mhar Phan Thiết – Dầu Giây; tiah jăt gah dà dờng Cam Ly, dà dờng Dà Dâng; gùng Trường Sơn Đông; Tiah lơh ƀòn ơm kis pa Dưng K’nơh 5, gùng ĐT 722 gơwèt sàh Dam Rong 4… ală ngai do, trồ mìu sơr jŏ neh lơh uă gơl gùng, tiah ƀòn ơm kis tàm tiah đah măt tơngai Lik càr Lâm Đồng gơtìp gơbam dà, gùng lòt rê gơtìp kal ke.

Geh ờ uă tiah bè: sơnah ƀòn Bình Thuận, sàh Hàm Thuận Bắc, Hàm Liêm, Hàm Thắng… neh ai kơnòm bơsram ơm ing ờ lòt bơsram nàng gàr lơngăp lơngai. Tềng đăp mờ bơta trồ mìu dà cò gam kal ke, gơnoar atbồ ală sàh, sơnah ƀòn tàm càr Lâm Đồng gam pơn jăt tai tơnguh broă rơcang gàr lài, bơto pơlam làng bol tơrmù lòt rê gan tàm ală tiah di gơlan gơtìp tơrlah ù mờ bañ lòt tus tàm ală tiah gơbam jrô dà.