Tŭ do, jơh ală ƀồc ntìng neh geh jun rê hờ Ƀlàng tơp ƀồc cau chơt màng Bình Thuận nàng jàu ală ƀòn lơgar dê, rơcang lam lơh ies, tơp jat di jơnau sồr. Bal mờ hơ̆, anih lơh broă mờng chài neh lam lơh ai mẫu sinh phẩm, tam gơl sồ jơnau yal tơnggit mờ top màh yal mat. Broă do drơng tơn ai broă lơh sền git ADN nàng kờñ dờp wơl mat sơnđan ală cau khin cha jak chài chơt màng in.

Jat ala mat Gah đơng lam Ling klàng càr Lâm Đồng, dơ̆ rờ tơrgum do là cồng nha bơh broă đal git jal mhar mờ nền nòn. Tơnơ̆ tŭ dờp jơnau sồr bơh Mpồl duh broă Gùng dà broă lơh Hoà Thắng, Gah đơng lam Ling klàng càr neh lơh broă mờ ală cau sền gŏ kah yau, cau pròc mhàm tờm cau chơt màng, mờ kung tàm pơn drờm jơnau yal tơnggit ală dơ̆ tam lơh tàm ù tiah ƀòn lơgar nàng git di bă tiah tờ.