Pơrjum geh bơta tus bal bơh 310 nă cau ala mat là cau geh màng mờ dà lơgar mờ cau pròc mhàm tờm cau chơt màng tus bơh 34 càr, ƀòn dờng tàm gùt lơgar. Tàm pơrjum, Thủ tướng bal mờ ală kwang đơng lam Đảng, Dà lơgar jàu phan kah ưn ngài ală Mè Việt Nam khin cha jak chài, jàu dờp phan kir sơnrai ai cau pròc mhàm tờm cau chơt màng mờ lam lơh srơh “Kis git jơnau git adat”.

Đơs tàm pơrjum, ồng Lê Minh Hưng - Thủ tướng Chính phủ đơs sùm, kơnòl sền gàr, cih kah ală cồng nha geh bơh bơta phi să dờng màng bơh ală rơnàng lòt lài dê; sồr pơn jat tai lơh sir gùng dà, broă lơh dong kờl cau geh màng mờ dà lơgar, lơh pràn broă lòt jòi, rờ tơrgùm, đal git mat ƀồc ntìng cau chơt màng, gròi sền niam rlau rài kis ală hìu bơnhă dờp bơta dong kờl bơh mpồl bơtiàn mờ sơlơ bơto bơtê bơhiàn gơboh dà lơgar ai rơnàng kơnòm să in. Bal mờ hơ̆, Thủ tướng  hòi jà jơh gùt mpồl bơtiàn lơh jat srơh lơh pràn gròi sền cau geh màng mờ kac màng in, wèt tus tơngkah kir sơnrai 80 nam Ngai cau ling sồt să - cau chơt màng.