Rơndap broă lơh lơh gùng rơndeh lòt mhar Tân Phú – Bảo Lộc geh kờp jơh priă bơcri lơh rlau 18 rbô tơmàn đong. Gùng rơndeh lòt mhar jòng mờr 66 kơi sồ, geh 54 kơi sồ lòt gan càr Lâm Đồng mờ 12 kơi sồ lòt gan càr Đồng Nai; geh bơceh lơh 4 bơnàng gùng. Mpồl bơcri priă là Kông ti Kong kơnòl nă să is Tập đoàn Sơn Hải jat broă lơh BOT (hơ̆ là Bơt bơtàu – ngui – jàu).

Lơh gơs mờ ai ngui tàm lồi nam 2027, gơl gùng rơndeh lòt mhar rơp tàm tơrbŏ ndrờm bal mờ rơndap broă lơh Dầu Giây – Tân Phú mờ Bảo Lộc – Liang Khàng, lơh gơs gơl gùng rơndeh lòt mhar Dầu Giây – Liang Khàng, lơh gơlik bơta tàm tơrbŏ bal kuơmàng đah tiah đah jum mat tơngai lik dà lơgar mờ càr Lâm Đồng bal mờ Tây Nguyên.