Tàm hơ̆ sồr tơnguh uă kơnòl lam bồ ală anih lơh broă, mpồl lơh broă, ală tiah dê, lơh geh bơta tam gơl loh làng bè tiah bơcri priă, lơh sa kă bro mờ gơ hòi gơ jà bơcri priă. Càr Quảng Ngãi pơnđơl pràn lơh ngan tus nam 2030, cồng nha đơng lam mờ tiah bơcri priă, lơh sa kă bro bơh càr dê gơwèt mpồl gơguh; PCI ơm tàm mpồl 20 càr, ƀòn dờng lam lài gùt lơgar.

Mìng is PCI nam 2026, cồng nha đơng lam geh ơn jơnau kờñ gơwèt mpồl di mơ, ală nam pơn jat tai pơnđơl pràn lơh ngan lơh geh mpồl gơguh halà niam. Nàng lơh geh jơnau kờñ do, Anih duh broă Làng bol càr Quảng Ngãi sồr đơng lam bồ ală anih lơh broă, mpồl lơh sa, ală tiah sơlơ tơnguh tai đơng lam, sồr lơh jat kơnòl broă lơh niam wơl tiah bơcri priă, lơh sa kă bro mờ kong kơnòl tềng đap Anih duh broă Làng bol càr, Chủ tịch Anih duh broă Làng bol càr dê bè cồng nha lơh jat.