Bơh broă dong kờl làng bol git ngui ală broă lơh drơng ala tàm internet, lơh pràn broă tam gơl pa, bơceh lơh, tam gơl sồ, tus lam lài tàm bơta rềs àr bơh trồ tiah, uă broă lơh pa neh lơh geh, tơnguh nùs nhơm geh kơnòl, bơceh lơh bơh đoàn viên, ơruh pơnu dê, bơh tŭ hơ̆ ai tơngŏ gơnoar bơh cau kơnòm să tàm tơngai bơtàu tơnguh pa.

Ồng Y Giang Gry Niê Knơng, Phó Ƀí thư Tỉñ ủy, Củ tịc Anih duh broă Mặt trận Dà lơgar Việt Nam càr Dăk Lăk đơs là, gơdờp bal mờ rài bơtàu tơnguh bơh rài pa dê. Mờ bơta pràn geh tìp mhar bơta ngăc ngar mờ măi mok pa, ơruh pơnu là mpồl tờm ngan gơtùi gờñ ai ală jơnau bơceh lơh, ngui bơta jăk chài sồ tàm mùl màl, pơgồp bal tàm broă lơh pràn bơtàu tơnguh lơh sa mpồl bơtiàn mờ ai tơngŏ gơnoar bơh rơcang cau tờm rài tơnơ̆ do dà lơgar dê.