Drim ngai 19/01, tàm nùs nhơm wèt hờ Pơrjum dờng cau ala mat gùt lơgar dơ̆ 14 bơh Đảng dê, Đoàn ơruh pơnu anih lơh broă Đoàn ơruh pơnu Kộng sản Hồ Chí Minh dà lơgar neh yŭ rơyùm bơyai lơh dơ̆ gờm chờ bồng bi (cào kơ) gờm chờ Pơrjum dờng tàm Hìu lơh broă Đoàn dà lơgar. 

Bơh anih pờ tơlik tơn dà lơgar, lơh jat jơnau sồr lơh bơh Đoàn dà lơgar dê, ală kâp ƀộ đoàn tàm gùt lơgar, bơh sàh, sơnah ƀòn, ƀòn drà dềt, tiah is ồn tus ală hìu bơsram neh dồ ròt bơyai lơh dơ̆ chào kơ. Broă lơh ai tơlik nùs nhơm, bơta pin dờn mờ kơnòl bơh cau kơnòm să dê gơ wèt mờ Đảng, dà lơgar, mờ kung đơs nền bơta ring bal, ndrờm bal tàm broă lơh bơh mpồl lơh broă đoàn dê. Do kung là bơta sơn đờm ai dơ̆ pơrjum cíñ trị jrô ơnàng, pơgồp bơnah sơlơ tơnguh tai bồ tơngoh kac màng, lơh gơlik geh nùs nhơm geh kơnòl mờ bơta git wă làng bol bơh rơnàng kơnòm să dê tềng đap ală broă lơh nền dờng dà lơgar dê.