Jat jơnau yal, cau tĕ khà mờ làng bol gùt lơgar pơn jat tai ai tơnggŏ bơta sền gròi, pin dờn tàm bơta đơng lam bơh Đảng dê tàm bơt bơtàu Đảng, anih lơh broă cíñ trị mờ broă lơh kwang bàng; mờ kung kơp kơnờm tàm broă rơcang pơrjum dờng cau ala mat gùt lơgar dơ̆ 14 bơh Đảng dê, kung bè ală gùng dà bơtàu tơnguh lơh sa – mpồl bơtiàn nam 2026 mờ ală nam pơn jat tai. Cau tĕ khà mờ làng bol tam pà bal, kơlôi rơcang tềng đap bơta mìu dà tih dà lìu, gơbam dà kơn jơ̆ ngan tàm tiah tàm gùl lơgar mờ uă tiah kơh bơnơm, lơh gơbàn hoàc huơr kơn jơ̆ ngan bè kòn bơnus mờ phan bơna; cih dờp bơta crăp rơcang bơh Cíñ phủ dê, bơta lơh broă di tŭ bơh ală mpồl lơh broă geh gơnoar mờ gơnoar atbồ tàm ƀòn lơgar dê tàm dong kờl, ntrờn làng bol, pơgồp bơnah tơrmù lơyah ngan rlau jơh hoàc huơr.