Tàm dơ̆ pơrjum, ala mat ală sờh, mpồl, gah lơh broă neh tơrgùm cribơyai, sền sơ wì tơl làm bơta gơlik geh bơh giă tàm drà kă bro tàm ƀòn lơgar dê. Bơh hơ̆, ală sờh, gah broă lơh neh dan uă broă lơh tờm nàng kờñ pơn jat tai gròi sền niam giă tàm tơngai tus, bè sơlơ jat sền, kờp dŭ lài drà kă bro; rơcang lài khà phan bơna pal geh; lơh pràn broă lơh sền sơ wì, gròi sền giă; di tŭ lơh glài ală broă lơh prap phan kơp tơnguh giă ờ dipal.

Ồng Phạm Anh Tuấn, Củ tịc Anih duh broă Làng bol càr Gia Lai sồr ală gah broă lơh, sàh, sơnah ƀòn lam lơh broă lơh đơng lam lơh jat giă kràñ cê, lơh glài kràñ ală broă lơh kờñ sa kuơ, prap phan, kờñ tơnguh giă halà yal giă ờ dipal, mpồl lơh sa kă bro lơh tìs digơlan gơtìp ai sră kă bro, ờ geh tiah kơryan ờ ai.