Di dơ̆ Kah kir sơnrai Ngai Yàng lik lềng nam 2025, ala mat Anih duh broă Mặt trận Dà lơgar Việt Nam, Kwang bàng Ƀộ Cíñ trị, Củ tịc Anih duh broă Mặt trận Dà lơgar Việt Nam mò Bùi Thị Minh Hoài neh pơyoa sră gờm chờ tus ală cau duh broă Yàng, cau bơsram jơnau Yàng mờ jơh gùt làng bol jat Yàng Bàp, Tin Làñ tàm jơh gùt lơgar.

Tàm sră pơyoa, Củ tịc Anih duh broă Mặt trận Dà lơgar Việt Nam jơh nùs pơyoa jơnau gờm chờ kah ngai Yàng lik lềng lơngăp lơngai, gơ boh gơ bài, bềng bơta kờñ gơboh, bal mờ ală jơnau lùp còp jơh nùs mờ gờm chờ jơh nùs tus ală gah duh broă Yàng, cau đơng lam duh broă Yàng, cau bơsram jơnau Yàng mờ làng bol jat Yàng Bàp mờ Tin Làñ lơgar Việt Nam dê. Mặt trận Dà lơgar Việt Nam cih dờp mờ jờng rơ uă ngan nùs nhơm “Duh rơngòt Yàng- kờñ gơboh Dà lơgar”, “Kis jat sră goh tàm nùs nhơm jơi bơtiàn” bơh làng bol jat Yàng Bàp mờ Tin Làñ dê tàm tơngai pa do. Uă cau duh broă Yàng, cau bơsram jơnau Yàng, cau jat Yàng neh lơh krơh niam lơh jat gùng dà broă lơh bơh Đảng, adat boh lam bơh Dà lơgar dê; jơh nùs hòi jà cau jat Yàng tus bal ală srơh tàm pơrlòng kờñ gơboh Dà lơgar, ală dơ̆ hòi jà bơh Mặt trận mờ ală mpồl cíñ trị- mpồl bơtiàn dê lam lơh