Nàng lơh sir niam ngan kơnòl broă tàm gơnoar broă lơh broă pa, Củ tịc lơgar sồr 2 nă  ồng lơh jat niam bơta đơng lam bơh Đảng, lơh jat di ală jơnau pal jat mờ jơnau cih bơh Sơnoa bơh lam mờ Adat boh lam dê; lơh tus geh jơnau kờñ “Bơt bơtàu broă lơh sền gàr adat boh lam ờs mờng, pa ngan, ring bal, song dơ pă, sàng goh, drơng broă Dà lơgar, drơng broă làng bol”.

Ala mat kwang bàng geh pồ đơs dờp kơnòl broă, Phó Lam bồ Anih cah rơña Làng bol dờng ngan rlau jơh ồng  Lê Tiến đơs nền do là dùl bơta chờ hờp dờng ngan, mơya kung là kơnòl broă dờng màng mờ Đảng, Dà lơgar mờ Làng bol dê jàu; is ồn, tàm tơngai gah Anih cah rơña gam jơh nùs lam lơh jat ală Jơnau lơh nền tàm pơrjum, Jơnau sồr, Jơnau đơs pơndŭt bơh Đảng mờ jơnau sồr uă ngan bè bơt bơtàu dà lơgar gơnoar adat boh lam sàh hội củ nghĩa làng bol, bơh làng bol, tài làng bol; bè tam gơl pa, bơt bơtàu lơh sir ală adat boh lam; lơh pràn broă lơh tam gơl niam sền gàr adat boh lam; bơt bơtàu broă sền gàr adat boh lam ờs mờng, pa ngan, ring bal, sàng goh, drơng broă Dà lơgar, drơng broă làng bol.