Đơs tàm dơ̆ tìp măt, Củ tịc lơgar đơs loh, nam 2025 là nam geh gơtha is ồn kwơmàng gơ wèt mờ dà lơgar he, nam geh uă broă lơh cíñ trị dờng Đảng, Dà lơgar dê; nam “tơngguh mhar, tam gơl pràn, lơh gơs”, pơnđơl geh mờ sơrlèt ală jơnau kờñ, broă jàu mờ Pơrjum dờng dơ̆ XIII Đảng dê neh gĭt nền, ai dà lơgar he pin dờn mŭt tàm rài pa, rài bơtàu tơngguh pas sơm pràn kơldang.

Củ tịc lơgar sồr Ling Lơh kơnòl broă is ồn sùm tam gơl pa, tơngguh uă cồng nha pơlam tàp, lài jơh là tơngguh uă cồng nha pơlam tàp bè bơta chài tam lơh, bơta jak lơh vòh, bơta chài Lơh kơnòl broă is ồn. Mơkung pơn jăt tai kơlôi sơnơng, tàm pơdờn, bơtàu tơngguh Bơta chài tam lơh Lơh kơnòl broă is ồn dipal mờ khà ai cau lơh broă tàm mpồl, phan tam lơh, măy mŏk pa gam geh mờ gùng dà bơtàu tơngguh tàm ală nam tus, dipal mờ jơnau sồr, kơnòl broă, cau mờ ù tiah tam lơh.