Tổng Ƀí thư ồng Tô Lâm, Củ tịc lơgar ồng Lương Cường mờ Thủ tướng Cíñ phủ ồng Phạm Minh Chính đơs nền, Việt Nam sền lơgar Mỹ là lơgar tam klăc lơh broă bal geh gơnoar kwơmàng jŏ jòng. Jăt tàm ală bơtàu tơngguh tàm gĭt gơ̆p lơh broă bal đah 2 lơgar tàm tơngai do, Tổng Ƀí thư ồng Tô Lâm, Củ tịc lơgar ồng Lương Cường, Thủ tướng Cíñ phủ ồng Phạm Minh Chính pin dờn mờ bơta đơng lam mờ kờñ bal bơh Ồng Donald Trump dê, gĭt gơ̆p Việt Nam mờ Mỹ rơ̆p pơn jăt tai bơtàu tơngguh kơ̆ kơl jăp jăt tàm bơta pal jăt ki ngàm lơngăp lơngai is, gơnoar tờm ù tiah mờ rài ătbồ adăt boh lam cíñ trị gơ̆p dê, tài ring lơngai, kơ̆ kơl jăp, lơh broă bal mờ bơtàu tơngguh kơ̆ kơl jăp tàm kơnhoàl ù tiah do mờ tàm dunia, ngan là tŭ 2 lơgar tơngkah kir sơnrai 30 nam ngai tơnggơs gĭt gơ̆p cribơyai broă mờ lơgar ndai (1995- 2025) mờ 02 nam ngai gĭt gơ̆p Tam klăc lơh broă bal Jŏ jòng Tơl làm đah Việt Nam mờ Mỹ.

Dồ ngai bal, Phó Củ tịc lơgar mò Võ Thị Ánh Xuân kung neh pơyua sră nting bơr gờm chờ tus Phó Kwang ătbồ lơgar Mỹ Jam David Vance.