Đơs pơlam tơngu me, Kwang Gơnoar cih dờng UNCTAD mò Rebeca Grynspan tơlik nùs nhơm niam bè cồng nha gơguh lơh sa bơh lơgar Việt Nam dê, geh 7% tàm 30 nam do. Kwang Gơnoar cih UNCTAD đơs sùm broă Pơrjum UNCTAD 16 geh bơyai lơh tàm dùl lơgar bơtàu tơnguh ñhăp ñhar kơnờm bơh pờ mpồng, tơrgùm bal geh cồng nha bè lơgar Việt Nam ai tơngŏ bơta kwơ màng tàm tơngai pa bơh UNCTAD dê.

Tàm Cri bơyai, Thủ tướng ồng Phạm Minh Chính đơs tus ală bơta lòng tŭ do gơwèt mờ kă bro phan mờ bơtàu tơnguh geh bơyai lơh tàm gùt plai ù, lơh gơrềng tơl ală bơta tus jơh ală cau dê den tàng pal geh tìp tơl làng bol, tơl ală bơta mờ gùt plai ù den tàng pal tơnguh lơh broă bal, tus bal, tam dră mờ mpồl tò dong mờ lơh pràn kă bro phan uă lơgar nàng bơtàu tơnguh. Is ồn nàng tam dră mờ ală bơta lòng do tàm rài ngăc ngar, Thủ tướng Cíñ phủ đơs là, pal git nền “rài ngăc ngar” tơrgùm bal. Đơs nền tus mờ nùs nhơm lơgar Việt Nam dê “neh đơs là pal lơh, neh hơ là pal lơh jăt” Thủ tướng ồng Phạm Minh Chính đơs nền lơgar Việt Nam sền kwơ broă dờp bơyai lơh Pơrjum UNCTAD 16 nàng chờ gờm ală cau ala măt tus bơh pram câu.