Drim òr (27/01), Củ tịc lơgar ồng Lương Cường lơh broă mờ Cơl dŭ lơh broă Củ tịc lơgar bè broă lơh jăt ală kơnòl bơyai lơh Satềp nam pa Ơseh 2026. Tơnơ̆ mờ tŭ iăt jơnau yal mờ pơgồp bal jơnau cri bơyai,

Củ tịc lơgar ring bal mờ ală tơngu me jơnau geh ai, mờ đơs nền pal lơh jăt nền nòn ală gùng dà broă lơh, jơnau sồr bơh Ƀộ Cíñ trị, Mpồl đơng lam Đảng Dà lơgar dê mờ bơto sồr ală anih lơh broă gơrềng bal tàm broă bơyai lơh Satềp. Củ tịc lơgar sồr pal rơcang lài nền nòn ală bơta nàng drơng làng bol in chờ Nam pa, wă rò Satềp lơngăp lơngai, niam, tềm pềr, ai geh bơta niam chờ hờp bơh tàm bồ nam pa 2026. Bơdìh hơ̆ tai, pal bơyai lơh niam broă còp să, chờ gờm Satềp ală kwang bàng đơng lam kăc màng lài do, hìu nhă geh sră dong kờl, cau geh màng mờ dà lơgar, mpồl ling bal mờ ală mpồl lơh kơnòl broă tàm tiah ngài, tiah nhàr lơgar, tiah bồt dà lềng, ală làng bol ndrờm geh wă rò Satềp tơl, ram mhŭ.