Yal mờ Bơtau lơgar Campuchia bè ală mpồl Văn Miếu - Quốc Tử Giám, Củ tịc lơgar ồng Lương Cường pà gĭt, do là pơrya bơh càr lơgar Hà Nội rơbô nam niam chài dê, là hìu bơsram Đại học sơnrờp bơh lơgar Việt Nam, tiah geh 82 nơm rùp Tiến sĩ geh UNESCO dờp là Phan lời wơl jơnau lời wơl dunia gùt plai ù dê.

Hùc bal dà ce, Củ tịc lơgar tơngŏ bơta chờ hờp gŏ là tàm tơngai pa do bơta gĭt gơ̆p 2 lơgar dê pơn jat tai bơtàu tơnguh kơ̆ kơl jăp; bơta pin dờn, đềt mềr bal đah kwang đơng lam bồ mờ làng bol 2 lơgar ngai sơlơ geh bơt bơtàu mờ sơlơ tơnguh tai. Củ tịc lơgar pin dờn là, tàm gơnoar broă dờng màng bơh he dê, Bơtau lơgar Campuchia rơ̆p pơn jat tai bơt bơtàu ai bơta gĭt gơ̆p niam bơnĕ hơ̆, mơkung sền gròi kờñ broă mblàng yal, bơto bơtê jrô ơnàng làm uă ai tơl nă làng bol, ngan là rơnàng kơnòm să in gĭt wă jrô bè bơta đềt mềr, tam klăc bal, bơta phi să bal mờ gơ̆p đah 2 lơgar, 2 jơi bơtiàn dê mờ pơn jat tai sơlơ tơnguh tai bơta gĭt gơ̆p lơh bơyô đah Việt Nam mờ Campchia.