Tơnơ̆ dơ̆ wă, Củ tịc lơgar ồng Lương Cường mờ Củ tịc Mpồl duh broă câu Âu ồng Antonio Costa neh lam lơh pơrjum bơyai. Tàm pơrjum bơyai, Củ tịc lơgar ồng Lương Cường pà git, bơta git gơp đah Việt Nam mờ Mpồl tam klac câu Âu gam bơtàu tơnguh niam, ngan ngồn mờ tơl làm. Bơta pin dờn cíñ trị geh gàr kơ̆ mờ tơnguh uă gơ wèt mờ câu Âu mờ ală lơgar geh jơng. Lơh sa – kă bro phan – bơcri priă là bơta gơn kơnờm bơtàu tơnguh tờm ngan bơh git gơp dê. Lơh broă bal tàm ală gah bơtàu tơnguh jrô ơnàng, is ồn là lơh broă bal kơlôi sơnơng jak chài, măi mok mờ tam gơl pa bơceh lơh, neh mờ gam gơ gơs dùl gah tờm lơh broă bal pa, cèng bơta jŏ jòng đah Việt Nam mờ Mpồl tam klac câu Âu mờ ală lơgar geh jơng.

Bè đah să tờm Củ tịc Mpồl duh broă câu Âu ồng Antonio Costa, ồng pà git, Việt Nam mờ Mpồl tam klac câu Âu là ală gah lơh broă bal geh bal gùng dà, dồ nùs bal tàm broă ki ngàm mpồl lơh broă uă lơgar, rơndap tap sèng ală lơgar jat adat boh lam, kă bro phan khat gơboh mờ bơtàu tơnguh jat tàm ală bơnàng jă do.