Đơs sồr lơh tàm pơrjum, Củ tịc lơgar ồng Lương Cường sồr Anih duh broă đơng lam Đảng ling klàng Dà lơgar, Ƀộ Ling klàng pơn jat tai đơng lam, sồr lơh jat niam gơnoar broă tă pơgồp jơnau đơs broă lơh kwơ màng mờ Đảng, Dà lơgar bè ling klàng, sền gàr Dà lơgar. Rcang lài, nhăp nhar, yờ tơnguh uă bơta pràn jak kơlôi sơnơng, jơnau kờp dŭ lài, geh broă lơh bơsong geh cồng nha ală bơta digơlan gơlik, ờ gŏ di lời gơtìp rơmơ̆p ndơl, nisơna. Mơkung pơn jat tai bơsram lơh jat, lơh jat niam, geh cồng nha gùng dà broă lơh sền gàr Dà lơgar gùt làng bol, dơ̆ tam lơh gùt làng bol dê, sền gàr Dà lơgar tàm bơta pa, mờ nùs nhơm “làng bol là tờm”, yờ tơnguh uă gơtùi lơh broă, lơh broă geh cồng nha atbồ Dà lơgar bè sền gàr Dà lơgar tàm jơh ală kấp.

Củ tịc lơgar kung sồr Ƀộ Ling klàng tơrgùm bơt bơtàu Mpồl ling klàng kăc màng, di ngan, nhăp nhar, pa ngan sền gàr kơ̆ kơnhăp tiah kơl wàng trồ, tiah dà lềng, tiah nhàr lơgar, tàm dơlam lơgar, tàm internet mờ ù tiah tờm dê.