Đơs sơnđờm mut dar pơrjum, Củ tịc Quôk hội ồng Trần Thanh Mẫn pà gĭt, do là dar pơrjum sơn rờp bơh nhai 1/2026 dê, dar pơrjum geh bơyai lơh tàm tơngai jơh gùt lơgar gam chờ hờp wă rò Pơrjum dờng Đảng gùt lơgar dơ̆ 14 mờ Tơngkah kir sơnrai 96 nam ngai tơnggơs Đảng Kộng sản Việt Nam; wă rò sa tềp bơhiàn dà lơgar bơh jơi bơtiàn dê.

Tàm dar pơrjum, jơnau yal bơh Anih duh broă bơta kơ̆p kờñ làng bol mờ Jat sền pà gĭt, cau tĕ khà mờ làng bol pơn jat tai tơngŏ bơta pin dờn tàm bơta đơng lam bơh Đảng dê tàm broă lam dà lơgar bơtàu tơnguh, lơh tus geh ală jơnau kờñ; jờng rơ uă bơta pơgồp bal Quôk hội mờ Cíñ phủ dê tàm broă lơh adat, ai lơh jat broă lơh mờ lam lơh jat, lơh geh bơta ring bal, geh cồng nha tàm atbồ Dà lơgar. Củ tịc Quôk hội sồr Anih duh broă bơta kơ̆p kờñ Làng bol, jat sền, bal mờ gah broă jat sền ală bơta giă tăc phan, ală bơta phan kwơ màng tàm tơngai sa tềp bơhiàn dà lơgar nam Ơseh nàng lơh bè lơi bè ờs, tơl làm ai làng bol in; sền gròi ală bơta lơngăp lơngai, cíñ trị, rơndăp tăp sèng lơngăp lơngai mpồl bơtiàn lài mơ tŭ, tàm tŭ  mờ tơnơ̆ Pơrjum dờng Đảng mờ Sa tềp bơhiàn dà lơgar.