Đơs pơndŭt dơ̆ lơh broă, Củ tịc Quôk hội ồng Trần Thanh Mẫn đơs là, Hải Phòng geh uă bơta ƀươn, Dà lơgar neh ai lơh jăt uă jơnau sồr, broă dong kờl kwơmàng lơh bơnàng jă ai bơta bơtàu tơngguh bơh ƀòn dờng Hải Phòng dê in tàm tơngai tus. Jờng rơ ngan ală cồng nha mờ ƀòn dờng Hải Phòng neh lơh geh tàm broă lơh jăt Jơnau lơh nền tàm pơrjum sồ 35, pơnrơ ngan là bơtơl broă jàu bơh kes priă, tam pà kâp ătbồ rơndăp ù tiah tơngguh priă lơh geh ai kwang bàng, công cưk in, Củ tịc Quôk hội pà gĭt bơta do tơnggŏ ai ală lơh nền gùng dà broă lơh bơh Đảng, Quôk hội, Cíñ phủ dê là dipal ngan.

Tàm tơngai tus, Củ tịc Quôk hội ồng Trần Thanh Mẫn tơnggĭt ƀòn dờng Hải Phòng in pal kờp sền nền wơl ală gùng dà, broă lơh dong kờl neh geh tàm Jơnau lơh nền tàm pơrjum sồ 35 nàng tam gơl, bơtơl bè kờñ tam gơl pràn rlau den pal lơh di broă, di anih, ală bơta lơi tờm, bơta lơi kwơmàng nàng tam gơl pràn lòt guh.