Cau tĕ khà jờng rơ uă ngan broă lơh bơh ală tơlik mat Cau ala mat Quôk hội khoă VXI dê, kơ̆p kờñ ală cau ala mat rơ̆p ala mat ai nùs nhơm, bơta kơ̆p kờñ bơh làng bol dê mờ lơh tus gùng tus dà ală jơnau hơ tơnơ̆ tŭ geh pồ. Củ tịc Quôk hội ồng Trần Thanh Mẫn đơs sùm, cau ala mat pal kong bơta jat sền bơh cau tĕ khà mờ làng bol dê bơh cồng nha geh ngan; gơnăp gơnoar bơh Quôk hội dê geh bơh làng bol mờ pal drơng broă làng bol.

Ồng hơ dilah geh pin dờn pồ, rơ̆p lơh jat tơl làm broă lơh neh geh ai, sùm yal jơnau, mblàng yal tềng đăp cau tĕ khà, ơn bơta kwơ làng bol dê hơđang ngan rlau jơh, sền bơta pin dờn bơh cau tĕ khà dê là kơnòl pal lơh ngan lơh sir niam ngan rlau tai.