Do là broă lơh geh kuơ ngan ngồn nàng kờñ tàm tơrbŏ bal, bơto bơtê, lơh gơlik tai bơta kờñ gơboh ai rơnàng kơnòm să in, mờ kung lơh gơlik bơta pin dờn, nùs nhơm ai ơruh pơnu in lài mờ tŭ lòt ling. Dơ̆ do, sàh Đông Thạnh geh 120 nă ơruh pơnu gơ kờn sac rơ wah lòt ling. Is ồn, sàh geh 2 nă đảng viên kơnòm să mờ dùl nă ùr ơruh neh cih is sră dan lòt ling.

Ala mat Mpồl duh broă Kơnòl ling klàng sàh, Củ tịc Anih duh broă Làng bol sàh Đông Thạnh mò Nguyễn Mậu Phương Quỳnh nting bơr ală ơruh pơnu jak chài bơh sàh Đông Thạnh dê lòt gùng lơh kơnòl mờ bơta pin dờn, bồ tơngoh bal mờ bơta kơp kờñ; đòm jat bơhiàn bơh yau ƀòn tờm dê, cih rai ală pang kah yau pơn yờ să bơh rơnàng bèp bi dê, lơh gơs jak ngan kơnòl broă bơh cau ling kac màng dê.