Drim ngai 22/09, Đảng ƀộ càr Khánh Hoà sơnđờm mut Pơrjum dờng cau ala mat dơ̆ I, tơngai lơh broă bơh nam 2025-2030, mờ bơta tus bal bơh Củ tịc Quôk hội ồng Trần Thanh Mẫn bal mờ đơng lam bồ ală Ƀộ, gah broă mờ 396 nă cau ala mat. Đơs sồr lơh, Củ tịc Quôk hội jờng rơ cồng nha lơh geh bơh càr Khánh Hoà dê tàm 5 nam do mờ đơs sùm Pơrjum dờng là broă lơh cíñ trị kwơ màng, pờ geh tŭ tơngai bơtàu tơnguh pa.

Củ tịc Quôk hội ồng Trần Thanh Mẫn tơngkah 6 kơnòl broă dờng, tàm hơ̆ ai bơta tờm ngan là bơt bơtàu Đảng, ală anih lơh broă cíñ trị sàng goh, kơ̆ pràn mờ broă lơh kwang bàng “tờm ngan bơh tờm ngan dê”. Khánh Hoà kờñ pal lơh jat niam bơta ƀuơn bơta pràn jat kềng gah dà lềng jòng mờr 500 kơi sồ, uă pòt mờ bồt bơlào, is ồn là bồt dờng Trường Sa, nàng bơtàu tơnguh lơh sa dà lềng, lơh sa mờ  măi mok năng lượng, lơh gơlik phan, măi mok pa, logistics, mờ lòt nhơl cèng gơnoar broă ală lơgar, đơs nền gơnoar pa tàm tŭ tơngai tam gơl pa mờ mut gơrờm bal.